بنساك لكن دام هالجرح مــا طب
بنساك وارجع من ورا جرحي أذكرك
مـــاهو أمل لن الأمل داخلي خـــــاب
هذا مرار اليأس فيني .. وأبشرك
ماتت بي الشرهة..ولا باقي عتاب
حتى المدامع تبتسم غصب..تشكرك
أرضيت بي ناسك وأنا (زي) (وش جاب)
أنا خسرت الناس من شان مااخسرك
هي غلطة اللي مــأ حسب للخطا حساب
والا أنت يا ابن أًًََدم عسى الله يسترك
اللي يسلم راحته بين الأنياب
ذنبــه على جنبه..ولو تفركه فرك
ياحلم عمري وأدري (الحلم) كذاب
الا أنت مدري ليه دايم أفسرك
مهما تخالف واقعي فيك وأرتاب
يبقى جنوني يعتذر لي ويعذرك
أزريت أجاوب حيرتي..وأخلق اسباب
أنكرتني وشلون أنا مقدر أنكرك
وخيرت قلب عن مماشيك مـــا تاب
امــــا يوًخـــــر عنك وإلا يوخـــــرك
وأثرك محبة تعتلي حد الإعجاب
تضوي خفوقي..لو عيوني تعذرك
النفس طابت ..لكن الجـــــــرح مـــا طاب
لو مــــاذكرتك..يكفي الجرح يذكرك
الرئيسية 
اليومية
