المفروض اكون مخلصه دراستي الثانويه بس عشان صارت لي مشاكل مع اهلي وبنات عمي ولي يد برضو فيها اهلي فصلوني من المدرسه لمده سنتين والحين جالسه اكمل دراستي انا في الصف الثاني ثانوي ابغى اقول قصتي واللي يقراها يرد عليا ويعطيني راي
انا بنت وحيده بين اربعه اخوان وانا اكبر وحده فيهم دتيما احس ان اخواني اكبر مني عقلا مااقول اني ناقصه عقل بس حاجتي لاحد جنبي خلاني امشي في طريق غلط كلمت شباب كثير بس ماعمر ي خرجت مع واحد منهم ولااحد قدر يوصل لشرفي انا كنت بطبعي لمن اكلم واحد احس اني متعلقه فيه فتره بعد كدا احس اني مليت منو بس وانا اولى ثانوي كلمت واحد وحبيتو من قلبي حتى كل مشاكلي مع اهلي كانت عشانو وهو حبني انا اعتقد كدا المهم مره اتفقنا انو يكلم اهلي عشان يخطبني المهم اتصل على بابا وقالو انا اسمي كدا وفي ناس دلوني عليكم وانا ابغى اخطب بنتك المهم ماما كانت عارفه تقريبا القصه عارفه اسم الولد اول ماعرفت اسممو قالت لبابا انو خوي وانو انا اعرفو طبعا بابا رجع البيت وهو معصب وشي طبيعي اللي سواه فيني بعد كدا انا كلمت الولد وقلتلو على كل شي صار حسيت ان الولد خاف بعد كدا كان اسمرت علاقتنا اشهر كمان ورجع تاني بغى يكلم بابا بس انا كنت ارفض عشان خايفه وهو ماسوى شي انا مابغاه المهم استمرت علاقنتا وصلت لمده اربعه سنين ورجع الولد كلم بابا مره ثانيه بس بابا اتخاصم معاه وتقريبا هدده وقالو ماراح تاخد بنتي لو انطبقت السما على الارض بعد كدا طلب الولد انو يقابل بابا وبابا وافق واتفقو على الموعد بس الولد ماجا قال انو امو تعبت وطاحت وهي في المستشفى بس انا اتوقع انو كان خايف من بابا يسوي لو شي عشان كدا ماجا بعدين بابا جا يقولي شوفتي انو كدا ماجا انا سكت وقولت ايوه كدا ومشي الحال وهدا الموضوع بس انا كنت مستمره مع الولد وبعد كدا حسيت اني مااحبو زي اول قل اهتمامي فيه وهو ماصار يتصل هو يقول سامحيني عندي ضروف مره صعبه والله العضيم يحزني انا احيانا اقولو انا ماعاد ابغاك بس سيبني في حالي بس هو كان يقولي والله العظيم انتي امي انا ماليا احد غيرك لانو حتى اهلو كمان كانو رافضين بعدين هو اقنعهم حتى وافقو يقولي بعدما اهلي وافقو انتي ترفضي المهم التفاصيل كتيره بس انا باقولكم المهم وبعد خمسه سنين من علاقتي فيه انا انخطبت لواحد تاني طبعا انا ماقولتلو انو انا انخطبت لانو لو عرف راح يقلب الدونا وحيسوي مشاكل مالها نهايه لانو يقول انتي حقي واللي راح ياخدك مني راح اقتلو المهم فتره الخطوبه انا حاولت اسحب نفسي واغير من نفسي وانقطعت عنو فتره يمكن تكون شهر وشويا مااسال عنو وبعدن هو اتصل عليا رديت عليه بدون نفس وقلتول نعم ايش تبغى يقولي ليه تتكلمي معايا كدا قولت لو كيف تبغاني اتكلم اوقف يعني وانا اكلمك هو عذرني لانو يحسبني زعلانه عشان هو له فتره مايتصل بس المهم بعدين على طول راح كلم بابا مره تانيه وقالو انا اعرف عنكم كول شي وانا ابغى بنتك بابا قالو بنتي مخطوبه هو صار يعددلو عيال عمي ويقولو اي واحد من هدول خطبها بابا ساكت مستغرب انو كنت اوقلو كل شي المهم انا كلمت الولد قلت لو انتا ايش تبغى من بابا الولد كان مره واثق من نفسو قال يمكن حشوفو بكرا عشان نتفق على طلبات الزواج هو مااهتم اني مخطوبه لانو يحسب انو بابا قال كدا بس عشان يبعدو عننا المهم قلتلو انتا ايش تبغى من بابا تبغى توريه صوري قال انتي تعرفيني انا مااسوي شي زي كدا ولافكرت اصلا اني اسوي حاجه وسخه او اني اضرك بشي انا كلمت ابوكي بكل احترام واقلت له انتا زي ابويا وكلمت تمشي عليا زي حد السيف بس بابا جا لانو بابا اصلا مو طايق الولد يوقول ان الولد يتكلم معاه من خشنه وجالس يعدد لو اهلي عشان بس يوريه انو هو عارف كل شي بس بابا جا البيت واخد جوالي وكسر شريحتي وشاف طبعا منو مكلمات بس انا انكرت وقولت انو انا من زمان ماكلمو الولد طمني وقال وربي انا ماراح اضرك بشي بس انا اطلبت من ابوكي اشوفو عشان في الموضوع محد يعرفو حتى انتي ماتعرفيه ولازم اقولو لابوكي ماقدرت اسالو ايش الموضوع لاني كنت محاصره من اهلي فعلى طول قفلت في وجهه وهما متفقين على اليوم يشوفو بعض وانا مو عارفه ايش اسوي خطيبي يحبني واهلو ناس طيبين انا مابغى اخسرو بس الولد دا حاسه انو انا ماابغاه مستحيل اكون معاه حياتنا اكيد ماارح تزبط بس حاسه انو يلاحقنا ايش رايكم في الولد يحبني؟؟؟؟ وانا ايش اسوي؟؟؟؟ لو ورا بابا صوري رغم انو قال ماراح يسويها وحلف انو ماحيسوها بس ادا صار ايش اقول؟؟؟ وربي انا خايفه مو عارفه ايش اسوي محد معايا ماعندي اخوات اشكي لهم ولا اهل يفهموويوقفو معاك عشان كدا انا كتبت الكلام دا هنا لانو محد يعرفني ومحد حيتمنى لي المضره امانه ردو عليا بصراحه
الرئيسية 
اليومية
